Beinvindu mai website Movimento Cívico dos Profissionais de Timor-Leste. Website ne’e mosu atu sai nudar arkivu no referensia ba membru sira hotu ne’ebé envolve-an ativamente iha prosesu estabelesimentu Movimento ne’e.

Ideia atu harii movimentu ne’e mosu wainhira, ho hanoin atu hadia profisionalismu iha prestasaun servisu publiku ho privadu iha area hotu-hotu populasaun nia moris, mediku sira tur hamutuk atu diskute situasaun atual iha ita nia rai, no oinsá atu halo buat ruma. Diskusaun inisial halao iha Hotel Ventura, iha 20 Novembru 2020.

Diskusaun konaba situasaun servisus profisional sira, liu-liu iha área saúde, halao iha Hotel Ventura, iha 20.11.2020.

  

Partisipa iha enkontru ne’e, husi karuk ba lós: Dr Zetó, Dr Sérgio, Dr João Pedro, Drª Célia, DR Nelson, Drª Danina, Dr Rui Araújo

Publikasaun diskusaun dahuluk iha Hotel Ventura mobiliza kolega seluk nia sensibilidade atu aliña ho grupu inisial hodi bele partisipa iha prosesu melloramentu prestasaun servisu iha Timor-Leste.

Foto hamutuk atu marka inisiu buat foun ida.

Website ida ne’e funsiona hanesan Blog, membru MCPTL sira hotu nia uma. Favor kada membru haré uma laran. Karik iha buat ruma atu hadia ou modifika, favor kontaktu liu husi email ba admin@mcptl.org ou naran membru sekretariadu ida.

Viva MCPTL!