Preambulu – Kapitulu III

Preambulu

Orijinal Editada (DR Dionisio Babo)

Ho abandunsia no diversidade servisu espesializadu sira ne’ebé prestadores servisu sira oferese ba komunidade, no mos tamba karakteristika inerta profisaun balu, mosu fallansun merkadu iha area demanda prestasaun servisu barak, iha setor publiku no mós iha setor privadu. Atu garante seguransa esensial no kualidade aseitável husi servisu sira ne’ebé disponível ba komunidade, presiza iha garantia katak profisional sira ne’ebé halao servisu sira ne’e iha kualifikasaun, kompetensia, abilidade no atitude apropriada atu bele oferese servisu sira ne’ebé sira providensia.

Timor-Leste atravesa daudaun faze ida iha ne’ebé instituisoens relevantes seidauk iha kbiit no mekanismu apropriadu atu verifika no sertifika preenximentu rekizitu sira ne’e. Iha parte seluk, iha impresaun katak seidauk iha entidade kompetente no instituisoens ezistentes seidauk hatudu empeñu atu kria mekanismu sira ne’ebé bele garante seguransa ho kualidade servisu sira ne’ebé komunidade simu. Iha setor publiku, administrasaun publika ezibe tendensia influensia politika iha alokasaun kargu publiku sira, hodi tau iha perigu garantia seguransa no kualidade servisu publiku sira.

Nudar sisadaun ne’ebé liu tiha ona husi prosesu kualifikasaun akadémika no estájiu profisional adekuadu iha ida-idak nia área, ami, profisional iha área prestasaun servisu oioin, ho roman koñesimentu ne’ebé ami iha, preokupa ho situasaun ida ne’e. Tan ne’e, motivadu ho ami nia responsabilidade nudar sidadaun no pratikante ne’ebé hakiak no mantein apresu ás ba profisaun ne’ebé ami pratika, ami deside halibur-an iha organizasaun ida ne’ebé ami deklara ho dokumentu ida ne’e, hodi buka dalan atu kontribui ba kriasaun no manutensaun kondisoens sira ne’ebé garante observansia padraun kompetensia no padraun prátika prestasaun servisu profisional iha Timor-Leste.

Timor-Leste atravesa daudaun faze ida iha kontrusaun Estadu nian ne’ebé nesesita involvementu Timor-oan hotu, liu-liu profissionais sira iha área oin-oin, iha nia dezenvolvimentu. Iha tinan hirak ikus ne’e politizasaun servisus públikus domina aspetu hotu-hotu dezenvolvimento nian no limita espasu ba kontribuisaun husi profisionais sira ho forma adekuada, iha area oioin servisus públikus no privadus. Nune’e mós, to’o ohin loron seidauk iha hela mekanismu apropriadu atu verifika no sertifika preenximentu rekezitus profissionais sira hodi bele garante provizaun servisu ne’ebé seguru no kualifikadu.

Iha parte seluk, ita nia komunidade nota falta entidade kompetente no falta interese husi entidade ezistente atu kria mekanismu sira ne’ebé bele garante seguransa ho kualidade servisu sira ne’ebé komunidade simu. Iha setor publiku, administrasaun publika denota tendensia influensia politika iha alokasaun kargu publiku sira, hodi nune’e tau iha perigu seguransa utente servisu sira. Ho abandunsia no diversidade servisu espesializadu sira ne’ebé prestadores servisu liu-liu iha área especializada sira oferese ba komunidade, no mos karakteristika inerta profisaun balu, necessidade merkadu iha area demanda ba prestasaun servisu oin-oin, tantu iha setor publiku hanesan mós iha setor privadu, maka iha necessidade atu harii espaço ida ne hodi bele fo-hanoin ita tomak no ita nia estado konaba despolitizasaun sector público atu garante seguransa esensial no kualidade apropriada husi servisu sira ne’ebé disponível ba komunidade. Nune mos, presiza iha garantia katak profisional sira ne’ebé providensia servisu sira ne’e iha kualifikasaun, kompetensia, abilidade no atitude apropriada preciza iha atensaun útil hosi se se deit.

Nudar sidadaun ne’ebé liu tiha ona husi prosesu kualifikasaun akadémiku no estájiu profisional adekuadu iha ida-idak nia área, ami, profisional iha área prestasaun servisu oin-oin, preokupa ho situasaun profisional iha Timor-Leste. Tan ne’e, siente ho ami nia responsabilidade nudar sidadaun no mós nudar pratikante profisional, ami deside halibur-an iha organizasaun ida, hodi buka dalan atu kontribui ba melloramentu prestasaun servisu profisional iha Timor-Leste, ne’ebé ami deklara ho dokumentu ida ne’e.

 

Kapitulu I Naran, Sede

Artigu 1º Naran

  1. Asosiasaun ida ne’e naran Movimento Cívico dos Profissionais de Timor-Leste, ho sigla MCPTL
  2. MCPTL hari iha loron ….. fulan…. tinan…., liu husi Asembleia Jeral nia membru sira.
  3. Fundasaun MCTL marka ho publikasaun Akta Fundasaun ne’ebé Membru Fundador sira hotu asina

Artigu 2º Sede

  1. MCPTL nia sede iha Dil.i.
  2. MCPTL bele harii mos sukursal subnasional (rejional ka munisipal).

Kapitulu II Natureza, Objetivu, Vizaun, Moto, Misaun,

Artigu 3º Natureza

Versaun Orijinal (Dr Zetó) Versaun Editada (Dr Sérgio)
MCPTL AMTL sai nu’udar organizasaun profisionál independente ne’ebé la iha fim lukrativu (katak la servisu atu buka manan osan ka lukru seluk), la iha filiasaun polítika, hala’o nia kna’ar tuir buat ne’ebé defini iha Estatutu ida ne’e, no submete ba Konstituisaun Repúblika Demokrátika Timor-Leste, no mós lei ne’ebé vigora iha paíz ida ne’e; MCPTL halibur profisional timor-oan husi area oioin MCPTL hetan inspirasaun husi prinsipiu jeral hirak ne’ebé regula kada profisaun.
  1. MCPTL organizasaun profisionál independente ne’ebé la iha fim lukrativu.
  2. MCPTL halibur profisional timor-oan husi area oioin.
  3. MCPTL respeita profisaun ida-idak nia prinsipiu étiku no deontolojiku no fasilita no advoga observansia prinsípiu sira ne’e.
  4. MCPTL la iha filiasaun polítika, maibe fo liberdade ba nia membru sira atu hili filiasaun plitika tuir ida-idak nia konsiensia.
  5. MCPTL sei la halo deskriminasaun bazeia ba sexu, kor kulit, rasa, relijiaun ou afiliasaun polítika iha nia atividade sira.
  6. MCPTL atua tuir prinsípiu juridiko-legal sira ne’ebé defini iha Konstituisaun RDTL.
  1.  

Artigu 4º Objetivu

  1. MCPTL advoga ho promove profisionalismu iha area prestasaun servisu hotu-hotu.
  2. MCPTL luta ba implementasaun, observansia no manutensaun garantia seguransa no kualidade prátika profisional iha Timor-Leste.
  3. MCPTL advoga no promove prinsípiu meritrokrasia iha administrasaun públika.

Artigu 5º Vizaun

Versaun Orijinal (Dr Zetó) Versaun Editada (Dr Sérgio)
Sai mahon (fatin) atu halibur matenek-nain (intelektual) no profesional husi área oin-oin nebé iha hanoin hanesan atu kontribui ba objetivu atu hari estadu sivíl ida nebé garante sidadaun hotu-hotu ninia partisipasaun no kontribuisaun ba dezenvolvimentu paíz, la-haré ba rasa, (kór), relijiaun no ideolojia, nunee Timór bele sai FATIN nebé dignu ba ema Timor-oan hotu
  1. Pratika profisional sira hotu iha Timor-Leste bele providensia servisu ho seguransa no kualidade tuir lege artis kada profisional ba utente sira hotu.
  2. Administrasaun publika ne’ebé valoriza no respeita meritrokrasia.

 

Artigu 6º Moto

Versaun Orijinal (Dr Zetó) Versaun Editada (Dr Sérgio)
MCPTL hamrík nudár movimentu sivíl ida nebé la-sadere (la afilia) ba organizasaun polítiku ruma (naun-partidáriu) ho objetivu atu despolitiza (despartidariza) administrasaun públiku no atu promove governasaun diak no estabelese lideransa forte nebé bele muda paradigma sosial iha sosiedade Timorense (hodi bele garante prestasaun servisu diak liu ba povu).
  1. Halao prátika profisional profisaun ida-idak nia lege artis.
  2. Experiensia, prátika no melloramentu kontínuo garante provizaun servisu ho padraun ás.

proposta Dr Rui Araujo:

”Mérito no profizionalizmu maka abut no hun ba progresu iha Timor-Leste.”


Artigu 7º Misaun

Versaun Orijinal (Dr Zetó) Versaun Editada (Dr Sérgio)
  1. Sai organizasaun ho maior kredibilidade nebé promove transparénsia no imparsialidade iha aprosimasaun no atuasaun.”
  2. Sai organizasaun nebé promove UNIDADE NASIONAL iha diversidade.’
  3. Sai organizasaun nebé promove despolitizasaun no despartidarizasaun iha sistema funsionalismu públiku.
  4. Sai organizasaun nebé servisu nudár parseiru dezenvolvimentu ba governu iha área tékniku hotu-hotu.’Sai organizasaun nebé fornese asesoria (inputs) ba governu iha área tékniku no espesializadu, tuir nesesidade no ezijensia iha momentu nebé nesesáriu ka momentu krítiku sira nebé kauza husi dezastre natural, pandemia, katástrofe, krize militar, krize iha sosiedade no krize iha governasaun.
  1. Sai mahon ba profesional husi área oin-oin.
  2. Sai organizasaun multiprofisional kredível.
  3. Advoga kriasaun entidade kompetente no dedikada ba rejistu no regulamentasaun kada profisaun.
  4. Insentiva kada grupu profisional atu estabelese normas no padroens ba kompetensia no pratika profisional iha ida-idak nia área.
  5. Advoga implementasaun, observansia no manutensaun ba prinsípius étikus no deontolójikus kada profisaun.
  6. Advoga sistema rejistu nasional ba profisional sira hotu.
  7. Advoga kriasaun mekanismu, entidade i/ou instituisaun ne’ebé responsabiliza ba sertifikasaun no monitorizasaun pratika profisional iha kada área pestasaun servisu profisional.
  8. Advoga kriasaun sistema ka rejime karreira profional ne’ebé valoriza kualifikasaun, kompetensia, abilidade no meritrokrasia.
  9. Sai referensia ba padraun kompetensia no prátika profisional oioin.
  10. Fo protesaun ba profisional sira hotu.
  11. Fo pretasaun ba komunidade relasiona ho prátika profisional

 

Artigu 8º Valores no Prinsipius Orientadores

Versaun Orijinal (Dr Zetó) Versaun Editada (Dr Sérgio)
  1. Servisu ho prinsipiu KOLEJIALIDADE no PARSERIA ho entidade hotu-hotu inklui governu, sisiedade sivíl, ajensia nasoens unidas, konfisoens relijiozas no parte seluk ba dezenvolvimentu nasaun.
  2. NAKLOKE ba ema hotu-hotu nebé iha hakarak no hanoin diak no hanesan atu kontribui ba dezenvolvimentu nasaun, hodi hari estadu demokrátiku.
  3. Promove no tane aas UNIDADE iha DIVERSIDADE.
  4. Servisu makaa’s atu promove TRANSPARÊNSIA iha governasaun.
  5. RESPEITA diferensa iha opiniuan no promove DIÁLOGU nudár dalan diak liu atu buka solusaun ba ideia diferente no konfrontasaun sira.
  6. Hatudu EMPENHU diak iha ida-idak nia knaar atu kontribui ba dezenvolvimentu
  7. Hatudu KAPASIDADE atu enfrenta no ultrapasa dezafius hotu-hotu iha espíritu solidariedade no respeitu mútua no bazei ba faktus /peskiza.
  8. Hatudu atitude KRÍTIKU (Laos apatia) wainhira enfrenta situasaun nebé la demonstra valores no prinsipius husi governasaun diak, viola direitu umanu no justisa ka desizaun ruma nebé LÁ bazeia ba evidénsia.
  9. Hatudu DEDIKASAUN ba kualidade no melhoramentu pesoal ou individual ka grupu.
  10. Asumi RESPONSABILIDADE MORAL ba atus, kompromisu, rezultadu ka impaktu ba interese komúm no interese povu.
  11. Hatudu imajenj hanesan MODELU EZEMPLAR iha ida-idak nia área kompetënsia iha ida-idak nia knar-fatin ka iha públiku, liu husi konhesimentu, abilidade no atitude.
  1. Profisaun hotu-hotu iha estatutu legal hanesan.
  2. Profisional sira hotu iha estatutu legal hanesan.
  3. Kada pratika profisional sai nudar manifestasaun implementasaun arte no siensia atu presta servisu espesializadu iha determinada area.
  4. Tempu no experiensia pratika kontinua bele garante exselensia iha pratika profisional.
  5. Harii no hametik prinsipiu meritrokrasia iha administrasaun publika.
  6. Servisu ho prinsipiu kolejialidade iha estabelesimentu normas no padroens kada profisaun.

 

Kapitulu III Membru

Artigu 9º Kondisaun atu sai Membru

  1. Bele sai membru MPCTL sidadaun Timor-oan sira hotu ne’e iha profisional ruma, komprova ho sertifikadu kualifikasaun akademika miinimu nivel lisensiatura.
  2. Atu sai membru, kandidatu interesadu bele hato’o rekerimentu ho dokumentus komprovativus kualifikasaun akademika no sertifikasaun profisional ba sekretariadu MCPTL.
  3. Prosedimentu ba rejistu no sertifikasaun membru sei regula ho dokumentu rasik husi Diresaun Ezekutiva.
  4. Kandidatu ne’ebé preenxe rekizitus atu sai membru bele hetan tomada pose iha tempu no fatin ne’ebé Diresaun Ezekutiva determina.
  5. Membru ne’ebé simu tiha ona pose bele simu kartaun membru.
  6. Membru ne’ebé simu tiha ona pose sei rejista iha Livru Rejistu Membru no publika iha Diretoria Membru iha orgaun komunikasaun MCPTL nian.
  7. Membru bele hetan demisaun ou ezonerasaun ho desizaun Diresaun Ezekutiva.

Artigu 10º Kategoria Membru

Kategoria membru MCPTL:

  1. Membru Fundador mak membru sira ne’ebé partisipa ativamente iha prosesu estabelesmentu MCPTL, partisipa iha Kongresu Dahluk MCPTL no asina ata fundasaun MCPTL.
  2. Membru Benemeritu mak membru sira ne’ebé halao doasaun espesial ka presta servisu estraordináriu ba MCPTL.
  3. Membru Benemeritu hetan titulu ne’e Asembleia Jeral bazeia ba proposta husi Diresaun Ezekutiva.
  4. Membru Onorariu mak membru sira ne’ebé nia servisu iha impaktu determinante no pozitivu ba MCPTL nia moris.
  5. Membru Onorariu hetan títulu ne’e husi Asembleia Jeral bazeia ba proposta husi Dieresaun Ezekutiva.
  6. Membru Ordináriu mak membru sira hotu ne’ebé hetan pose husi Diresaun Ezekutiva.

Artigu 11º Direitus no Deveres Membru sira nian

  1. Membrus sira nia direitu:
    1. Partisipa iha Asembleia Jeral MCPTL.
    2. Vota no simu vota ba kargu eletivu sira iha MCPTL nia laran.
    3. Membru Benemeritu no membru onorariu laiha direitu atu vota no atu hetan votu.
  2. Deveres membru nian:
    1. Kumpre estatutu no rejimentu MCTL.
    2. Halao saída mak Diresaun Ezekutiva Determina.
    3. Membru sira la responde ba obrigasoens no enkargus sosiais MCPTL nian.

Artigu 12º Lakon Direitu Membru

  1. Wainhira iha kauza justa, Diresaun Ezekutiva bele atu demite ou exklui membru ida husi MCTL.
  2. Membru ne’ebé hetan exkluzaun ou demisaun husi DIresaun Jeral bele halo rekursu baAsembleia Jeral.
Sergio Lobo

By Sergio Lobo

Mediku. Servisu iha Klinika Cindranita